關心妍：「話晒我今年都 24 歲，又係一個大學生，講o野點都要有 point，我知我唔可以得到
全部人o既認同，但我寧願被人話有智慧，都唔想兼無理由要扮低能、扮無知！」
|
|
|
 未割雙眼皮o既阿Jade眼皮浮
腫，一o的神都無，樣貌更
見平凡！
阿Jade而家住緊o既羅便臣道
輝鴻閣 1,200 呎豪宅就係佢
媽咪買o架喇！
人稱Jade媽「芬姐」，經營
生意有道，經常飛往外地旅
行。
上年阿Jade同蕭正楠傳緋聞
博宣傳，人前人後表現親
密。
 |
|
|
|
|
．編 者 話． |
關心妍被指假扮梨花帶雨唱片篤數面懵心精處心積慮後，略述面具下自己做歌手o既心態：「做一份好o既 proposal，一定要有好好o既 present ！」
正如 雷頌德 林夕 伍樂城 黃偉文 陳光榮 都知做一個好o既 singer 要有好好o既 performance！
將做歌手呢個咁難做得好o既崗位比喻為讀大學時 present 要準備一份好好o既 proposal，的確有備而o黎，面具戴得端莊得體！
沙士再臨，保護意識強烈o既人會戴上面具，為o既只係保護自己、保護別人。每個人都覺得關心妍戴左面具，笑裡藏刀。但好多時假有假o既好，就等於你會認定街上戴左面具o既人有病，無戴面具既o人重危險，隨時殺你一個措手不及。
|
|
|
|
．可 憐 童 年 被 人 打．
|
我唔係生於完整家庭，但我絕對唔覺得我o既童年有咩缺失。唔知係咪因為童年無爸爸兼媽咪性格硬朗o既關係，我都學懂變得「硬淨」，我只係小學 1 至 5 年級係o係白香港讀，之後就過o左溫哥華讀書，直至大學 2 年級喇！
因為我o地係第 1 批移民過去o既香港人 (89年，即「六四」潮o個陣)，媽咪帶住我同阿哥過去，當時好少唐人，所以成日被人整蠱，偷我錢、排隊打尖、撩我打交乜都有，佢o地恰我o岩o岩過去英文差，想投訴都唔識講，好衰！開頭真係會怕事，唔敢出聲，但後尾我搵 Miss 惡補英文，猛睇英文報紙，迫自己講英文講到「咯咯」聲，卒之我夠膽大聲過佢地，好記得有一次有個鬼妹想打我，我同佢講：「要打就企出黎打，我唔會驚！」
|
|
|
|
．幕 後 最 大 撐 腰 人．
|
好多人對我o既家庭背景都充滿好奇。佢o地會問，我出道短短 1 年，點解可以入住 1,200 呎o既羅便臣道輝鴻閣？又問點解我唔係靚女，又可以 1 年接成 7 個廣告？
o的報導又話我媽咪o係溫哥華唐人街有惡勢力撐腰，人人都叫佢「芬姐」，重話佢o係我背後捧我上位。媽咪的確好叻，佢只有 47 歲，但已經做過洗衣鋪、地產同美容生意，而家o係麗港城同鴨利洲開o左兩間叫「Beauty World」o既美容院，所以生活一直唔成問題。
但我要 clarify (澄清) 一點，媽咪絕對唔係江湖中人，更加無出錢幫我上位，最叻o既都係羅生簽o左我，雖然老闆佢有過一o的負面新聞，o係好多人眼中，我o地公司唔算大，但起碼佢無要我做我唔願做o既事，呢行有好多事，如果要你做，你真係可以唔做咩？而家有好多唱片公司同我講：「早知o個陣時簽你啦！」羅生聽到立刻會好開心，證明佢揀o岩人！
|
|
|
|
．做 普 通 人 o徒 o左 我．
|
「淨係識唱歌唔夠喎，你等我o地考慮下，但你就唔好死等喇！」呢句說話我聽o左不下 10 次。99 年我得到全球華人新秀冠軍，o係溫哥華o既華人社區都好多人為意，報紙重話我o係香港會有大發展，但當時連主辦o既華星都唔簽我。
我唔甘心，我覺得上天賜一把靚聲畀我，我就咁做普通人係咪o徒o左呢？媽咪更加唔死心，就拎住我o既錄音帶同稍為見得人o既玉照畀髮型師 Billy，Billy 再介紹畀金廣城，跟住再被羅生認識。但簽o左都唔等於有碟出，等等下，兩年過去喇！每日我就拎住個「冷門」樂器色士風上公司，o係老闆、同事面前 sell 自己，終於有個同事可憐我，問我「護胸膜」廣告接唔接，我照接，但係附o係小雪新碟入面o既宣傳單張，跟住記者寫我「未賣歌先賣胸」。
跟住第 2 樣工作就係有o的雜誌搵我影相，妝同頭都 set 好晒o架喇！但都係出得一、兩張。當時真係我o既低潮期，惟有o係媽咪間美容院幫人做 facial，度過o個 2 年幾o黎無收入o既難關！
|
|
|
|
．唔 好 叫 我 扮 無 知．
|
其實自己唔係咁適合娛樂圈，因為我內向，唔會坦蕩蕩咁表達自己。開頭重低能到以為唱歌就真係唱歌，唔使搞咁多！但 10 單新聞睇o左一半都係負面o既，話我戴假面具，真係幾無奈，好多都係唔開心o既！(最近話你扮喊o個單料呢？) 記者話影唔到相，我心軟就用張紙巾抹眼淚，點知好心著雷劈被佢o地大字標題話我假，但如果我唔喊多次，佢地又嘈，話交唔到差。
假唔假唔係咁斷定，我想講o既係，做一份好o既 propasal 都要有好好o既 present o架！每次我答問題o個陣，我答得好 smooth，就話我假、有鋪排，其實我係唔想被人話咩都唔識、無智慧，話晒我今年都 24 歲，又係一個大學生，講o野點都要有 point，我知我唔可以得到全部人o既認同，但我寧願被人話有智慧，都唔想兼無理由要扮低能、扮無知！
|
|
|
|
．圈 中 只 有「hello」朋 友．
|
娛樂圈對我o黎講就好似一間放大o左好多倍o既公司，人際關係好複雜。講真，我o係呢行無老友，全部都係 say「hello」，跟住 say「bye」o既朋友，因為我無認真去 start 一段友情，唔「刻意」埋堆，所以唔知係咪咁，有好多是非恩怨發生o係我身上，舊年話我同 Yumilo 爭崩頭，跟住又話我失寵，公司捧傅珮嘉。
的確，係幾煩！
我唔知係咪因為我一直o係外國長大，做人無乜戒心，有o個句講o個句，太直而令人誤會。但我學識o左唔好解釋太多重好，初頭會嬲，而家已經學識 cool down。好似早排猛傳我唱片篤數，港台頒獎禮o個晚，主持對住全港市民講我入唔到三甲，不過統計得出，我係第 4；又傳我連 2 場演唱會都開唔成，但公司已幫我訂定機票過日本同濱崎步o既個唱班底彩排，我開始練唱、排舞，化妝搵 Sammi 御用o既阿 Zing，衫都度埋身，唔通咁都有得「作」出o黎？
|
|
|
|
．數 口 精 (後 記)．
|
原來，讀大學時主修「Science」o既關心妍，數學真係好精！
「我唔想做明星，因為如果o個個人想做明星，佢o既虛榮感一定係 10 分爆燈，而我只有 4 分。」
訪問過程中，虛榮感只有 4 分o既關心妍，如數家珍般由入行得過幾多獎數到o黎緊開 concert 花費幾多幾多．．．
「入行咁耐，我代言過 7 個廣告；02 年初出道得到 4 個獎，舊年 keep 住，重多o左 1 個，有 5 個獎；入行至今應該已經有 7 位數字收入；《Jade Forward》首批訂單已有 2 萬，希望最少可賣到 3、4 萬；o黎緊 2 月開 2 場 concert，已經花o左 7 位數字o既金額過日本同濱崎步o既個唱班底彩排 ．．．」好勁好勁．．．
但聽完以上種種數據，又真係覺得佢只係「保護意識強烈」o個一群o者！
|
心 妍 歷 程